BOSNA I HERCEGOVINA - CRNA GORA 3:2
1:0 – Vranješ 1'
2:0 – Vranješ 27'
2:1 – Bećiraj 37'
3:1 - Drakul 72'
3:2 – Bojović 75'

Mlada reprezentacija Crne Gore poražena je u prijateljskom odmjeravanju snaga sa vršnjacima iz Bosne i Hercegovine sa 3:2.

Bosanci su poveli prvim minutu, pogotkom Vranješa, koji je u 27. minutu, takođe nakon prekida, udvostručio prednost svog tima. „Sokoli“ su odgovorili sedam minuta prije odlaska na odmor, preko Fatosa Bećiraja, koji je glavom upisao prvi pogodak u dresu nacionalne selekcije.

Bosanci su pogodili prvi i u drugom poluvremenu - lijepu akciju domaćeg sastava završio je Drakul, udarcem sa pet metara. Nakon gola naša selekcije ostala je sa deset igrača, pošto je kapiten Draško Božović isključen zbog prigovora.

Brojčano slabiji „sokoli“ su još jednom uspjeli da odgovore, i to u 75. minutu kada je Bojović, neometan, glavom ubacio loptu sa par koraka od gola protivnika.