Odlučujući momenat utakmice desio se u 35. minutu, kada je jedini gol na meču postigao Dimitrianos Culiu i tako donio tri boda domaćinu turnira.

- U današnjem meču nismo bili na nivou kao u prethodnim utakmicama. Nismo na najbolji način odgovorili na agresivnu igru protivnika, koji je iz jedanaesterca došao do pobjede. Pokušaćemo da igrače, prije svega fizički, oporavimo kako bi odmorni dočekali utakmicu koju za dva dana igramo protiv Letonije, kazao je selektor Goran Perišić.

Najbolje šanse za izjednačenje ,,sokoli“ su imali u posljednjih pola sata utakmice. U 60. minutu, nakon odlične asistencije Vasilija Adžića, Marko Perović je poslao loptu preko gola. Petnaestak minuta kasnije, ponovo je Perović bio u šansi, ali je ovog puta iz situacije ,,jedan na jedan“ sa golmanom lopta završila u korneru.

Izjednačenje je bilo blizu i u 85. minutu, kada je Adžića na malo van ivice kaznenog prostora, kao posljednji igrač faulirao golman domaćih Nikitas Papakonstantinu, zbog čega je dobio direktni crveni karton i tako spasio svoju mrežu.

U posljednjem kolu turnira, Crna Gora će 15. maja od 10 časova igrati sa Letonijom.

 

Kipar - Crna Gora 1:0

 

Stadion ,,Tasos Marku“, Paralimni.

Sudija: Konstantinos Savides (Kipar).

Strijelac
1:0 - Culiu (p) 35’

Žuti karton
Maraš - Crna Gora

Crveni karton
Nikitas Papakonstantinu u 85. minutu - Kipar

Kipar: Nikitas Papakonstantinu, Anastasios Janaku, Panajotis Angeli, Haralampos Katircis (od 77. Panajotis Marku), Andreas Konstantinu (od 69. Elefterios Isak), Andreas Piricis, George Sokratus (od 59. Panajoris Katircis), Savas Karajanis, Petros Pashali, Eftimios Eftimiu (od 59. Ahileas Tumazos), Dimitrianos Culiu.
Selektor: Haralambides Konstantinos.

Crna Gora: Vuk Dragović, Tomislav Turović (od 45. Zarija Kumburović), Lazar Maraš (od 90. Pavle Pićurić), Bodin Tomašević, Miloš Vračar, Marko Perović, Stefan Đukanović (od 66. Danilo Vukanić), Marko Tadić, Vasilije Adžić, Andrija Bulatović (od 76. Lazar Šekularac), Andrej Camaj (od 66. Andrija Skrobanović).
Selektor: Goran Perišić.