U Baru je viđena tvrda utakmica, u kojoj su gosti iskoristili dvije šanse koje su stvorili. Na drugoj strani, ekipi Slobodana Draškovića ovo je bio prvi meč nakon februara.

Osim gola, najbolju šansu na meču ,,sokoli“ su stvorili u 24. minutu pri rezultatu 0:0. Tada je Luka Bubanja asistirao Nemanji Stanišiću, koji je šutirao pored gola.

Gosti su poveli nakon desetak minuta igre u nastavku. Aldin Mešić je dobro reagovao poslije kornera i nakon gužve sproveo loptu u mrežu protivnika.

U 73. minutu bilo je 2:0. Goran Milovanović je uspješno završio lijepu akciju svoje ekipe.

Konačan rezultat postavio je Vladimir Perišić u 85. minutu. Perišić je bio na pravom mjestu, natrčao je na odbijenu loptu i pogodio za 1:2.

- Konačno smo odigrali neku utakmicu, poslije osam mjeseci. Mislim da je ta pauza bez mečeva ostavila traga na ekipi. U prvom poluvremenu smo odigrali dobro, međutim, u nastavku, kada smo već napravili više izmjena, naša igra je bila dosta slabija. Ipak, i ovakva utakmica nam je korisna jer nam je pokazala neke stvari i poslužiće nam za bolju selekciju igrača u budućnosti. Sada smo pozvali i neke igrače koji su prvi put u reprezentaciji, da vidimo možemo li računati na njih, kazao je selektor Drašković.

Današnji rivali drugi prijateljski meč odigraće u četvrtak od 11 časova, na stadionu Trešnjica u Golubovcima.

 

 

Crna Gora - Bosna i Hercegovina 1:2

 

 

Stadion Topolica, Bar.

Sudija: Marko Roganović (Crna Gora)

Strijelci
0:1 - Mešić 54’, 0:2 - Milovanović 73’, 1:2 - Perišić 85’

Žuti karton
Hasanović - Bosna i Hercegovina

Crna Gora: Emin Đurović, Nihad Balić (od 66. Vasilije Šoškić), Balša Vukotić (od 66. Andrija Radonjić), Nemanja Carević (od 46. Damir Dulović), Damjan Dakić (od 68. Damjan Ilić), Luka Živković (od 46. Risto Pejović), Aleksa Ćetković (od 68. Vedad Turusković), Lazar Stanišić (od 66. Viktor Jovanović), Luka Bubanja (od 46. Balša Barović), Viktor Đukanović (od 68. Vladimir Perišić), Bogdan Veljić (od 46. Mitar Globarević).
Selektor: Slobodan Drašković.

BiH: Sergej Bjelica (od 72. Ivan Majstorović), Irfan Ramić, Mihajlo Marinović, Murat Demirović (od 65. Danijel Mijatović), Marko Radić (od 72. Savo Šušić), Haris Hasanović (od 65. Muhamed Buljubašić), Marko Babić (od 72. Amar Pekarić), Maid Mušić (od 65. Goran Milovanović), Hamza Martinović (od 72. Adi Serdarević), Antonio Prskalo (od 65. Neriman Kočović), Aldin Mešić (od 65. David Čamber).
Selektor: Nermin Šabić.