CRNA GORA KVALIFIKACIJE ZA U19 EVROPSKO PRVENSTVO ZAVRŠILA SA JEDNIM OSVOJENIM BODOM

Omladinska reprezentacija Crne Gore je tek u posljednjem kolu takmičenja u desetoj grupi kvalifikacija za odlazak na U19 Evropsko prvenstvo uspjela da osvoji prvi bod. "Sokoli" su u Sarajevu remizirali sa odgovarajućom selekcijom Bosne i Hercegovine, što nije bilo dvoljno da se izbjegne posljednje mjesto u grupi.

Na stadonu „Koševo“ viđena je žestoka borba sa mnogo žutih kartona, ali bez golova. Naša selekcija je bila bolji rival, naročito u prvom poluvremenu kada je stvorila nekoliko dobrih prilika za gol. Najbolju je propustio Jovan Nikolić čiji je udarac sa pet metara golman domaćih Mašić zaustavio sjajnom intervencijom. Nekoliko minuta kasnije sličnu šansu stvorila je i Bosna, ali je Sošić odlično istrčao i dobro ušao u šut Handžiću.

U drugom poluvremenu viđena je velika borba na sredini terena, pa je švedski sudija Stalhamar bio prinuđen da vadi žuti karton. Bosna je znala da joj je i bod dovoljan za plasman u naredni krug, pa se odlučila za potpunu defanzivu za koju naši igrači, uprkos velikoj želji i trudu, nisu imali rješenje.

U naredni krug pored domaćina turnira ide i Grčka, koja je danas bila bolja od Poljske sa 2:0. Naša selekcija je turnir završila na posljednjem mjestu sa jednim osvojenim bodom.

REZULTATI

1. kolo
Grčka - Bosna i Hercegovina 1:2
Poljska – Crna Gora 2:1

2. kolo
Grčka – Crna Gora 1:0
Bosna i Hercegovina – Poljska 2:2

3. kolo

Poljska – Grčka 0:2
Crna Gora – Bosna i Hercegovina 0:0