Situacija na vrhu tabele nakon 29. kola ostala je ista, Dečić Admiral bet zadržao je tri boda više od Budućnosti nakon današnjeg derbija.

Na ,,DG areni“ nije bilo pobjednika – 1:1, što je dobar rezultat i za Sutjesku Meridianbet, koja na trećem mjestu ima dva boda manje od Podgoričana.

Derbi je praktično otvoren pogotkom Dečića. Leon Ujkaj je poslao dug pas na desnu stranu, gdje je iskusni Draško Božović prošao, a zatim uposlio Bojana Matića za 1:0.

Utakmica je nakon toga prekinuta na skoro sat jer su navijači Budućnosti nekoliko puta ubacivali pirotehnička sredstva u teren. Meč je nastavljen nakon što su gostujući navijači napustili tribinu, a sredinom drugog poluvremena Budućnost je stigla do izjednačenja. Strijelac je bio Đorđe Despotović, koji je pogodio u 63. minutu i postavio konačan rezultat.